اسلام آباد۔28اکتوبر(اے پی پی) وزیراعظم محمد شہباز شریف 29 توں 30 اکتوبر ت??یں سعودی عرب دا سرکاری دورہ کریسن ۔ ترجمان دفتر خارجہ توں جاری بیان موجب وزیراعظم ریاض اچ منعقد تھیوݨ آلے فیو??ر انویسٹمنٹ انیشیٹو دے 8 ویں ایڈیشن اچ شرکت کریسن، کابینہ دے اہم ارکان وی وزیراعظم دے رلے ہوسن۔ فیو??ر انویسٹمنٹ انیشیٹو ملکاں سانڳے معاشی طاقت کوں ظاہر کرݨ ، غیر ملکی سرمایہ کاری کوں راغب کرݨ تے ھک پائیدار مستقبل دی تشکیل سانڳے مکالمے اچ مشغول تھیوݨ سانڳے ھک اہم پلیٹ فارم دے طور تے کم کریندے ۔ اڄوکے سال فیوچرانویسٹمنٹ انیشیٹو دا تھیم ”انفینیٹ ہورائزنز: انویسٹنگ ٹوڈے، شیپنگ ٹومورو“ اے جیڑھا عالمی سرمایہ کاری تے توجہ ݙیسی جیں دا مقصد مصنوعی ذہانت، روبوٹکس، تعلیم، توانائی، خلا، مالیات، صحت دی ݙ??کھ بھال تے پائیداری جیھے اہم مسئلیں کوں حل کرݨا اے ۔ بیان موجب وزیراعظم دی سعودی ولی عہد اتے وزیر اعظم محمد بن سلمان اتے ٻئے اعلیٰ سعودی حکام نال اہم ݙو پاسے ڳالھ مہاڑ متوقع ہے۔ فریقین پاکستان تے سعودی عرب وچال اقتصادی اتے تزویراتی شراکت داری تے ڳالھ مہاڑ کریسن تے اقتصادی، توانائی تے دفاعی شعبیں اچ ݙو پاسے تعاون تے غور کریسن۔ وزیر اعظم دی فیو??ر انویسٹمنٹ انیشیٹودے 8 ویں ایڈیشن کانفرنس اچ شرکت کرݨ آلے رہنماواں تے کاروباری لوکاں نال وی ملاقات متوقع اے۔
