واشنگٹن۔18اپریل(اے پی پی) وفاقی وزیرخزانہ ومحصولات محمداورنگزیب آکھیے جو بین الاقوامی مالیاتی فنڈ نال مذاکرات توں پاکستانی کرنسی دی قدراچ وݙی کمی دا امکان کائنی ، پاکستان یو ایس انٹرنیشنل ڈویلپمنٹ فنانس کارپوریشن اتے ایگزم بینک نال رل تے کم کریسی ۔اے ڳالھ انہاں گزریل ݙینھ واشنگٹن ڈی سی اچ بلوم برگ کوں انٹرویواتے مختلف وفد نال ملاقاتاں اچ آکھی اے ۔ بلوم برگ کوں انٹرویواچ وزیرخزانہ آکھیے عمومی طورتے پاکستانی کرنسی دی قدر اچ سالانہ6 توں گھن تے 8فیصد دی حد توں ودھ کمی دا کوئی جواز کائنی ۔ انہاں آکھیے ایں واری آئی ایم ایف نال مذاکرات اچ پاکستان کوں ارباں ڈالردے قرضے گھنݨ دے نال نال ملک اچ اقتصادی اصلاحات دے ایجنڈے تے عمل درآمد تکھا تھیسی تے انہاں مذاکرات نال کرنسی دی قدراچ کہیں وݙی کمی دا کوئی امکان کائنی ۔پاکستان اچ زرمبادلہ دے ذخیرے اچ ودھارا تھئے ۔ ایکسچینج ریٹ مستحکم اے، ترسیلات زرتے برآمدات اچ ودھارا تھئے انہاں ساریں اچوں جیڑھی چیز سارا کجھ بدال سڳدی اے او تیل دیاں قیمتاں ہن ۔ انہاں آکھیے موجودہ حکومت زراعت اتے انفارمیشن ٹیکنالوجی سودھے صنعتاں کوں ودھارا ݙیوݨ چاہندی اے حکومت بالخصوص آئی ٹی اتےزراعت تے خصوصی توجہ ݙیندی پئی اے تاں جو آوݨ آلے سالاں اچ نمو دی شرح 4 ف??صد توں اتے گھن آیا ونڄ سڳدے ۔ وزیرخزانہ آکھیے پاکستان کوں آئی ایم ایف مشن دے مئی اچ دورہ پاکستان اتے نویں قرضہ پروگرام سانڳے جون دے آخر یا جولائی دے شروع اچ سٹاف سطح دے ??عا??دے دی امید اے۔ وزیرخزانہ گزریل ݙینھ واشنگٹن ڈی سی اچ امریکہ دے نائب وزیرخ??رج?? ڈونلڈ لواتےامریکی محکمہ خ??رج?? دی پرنسپل ڈپٹی اسسٹنٹ سیکرٹری ایلزبتھ ہورسٹ نال عالمی بینک دے ہیڈ کوارٹر اچ ملاقات کیتی۔
