اسلام آباد۔13جنوری (اے پی پی):وفاقی سیکرٹری اطلاعات و نشریات شاہیرہ شاہد آکھیے جو میڈیا انڈسٹری اچ رونما تھیوݨ آلیاں تبدیلیاں ایں ڳال دی متقاضی ہن جو وزارت اطلاعات دے افسران دور جدید دے میڈیا چیلنجاں نال نبݨݨ کیتے خود کوں تیار کرن ، اے ڳال انہاں خمیس کوں انفارمیشن سروس اکیڈمی اچ 32 ویں مڈ کیریئر مینجمنٹ کورس ڈومین سپیسیفک تربیتی پروگرام دی تقریب تقسیم اسناد توں خطاب کریندے ہوئیں آکھی اے تقریب اچ وزارت اطلاعات دے مختلف اداریں دے سربراہان اتے زیر تربیت افسران دے علاوہ میڈیا ماہرین اتے اسلام آباد دی مختلف یونیورسٹیاں دے پروفیسر صاحبان شرکت کیتی۔ وفاقی سیکرٹری اطلاعات آکھیے جو پاکستان اچ میڈیا انڈسٹری تکھے نمو پیندی پئی اے ، خاص طور تے سوشل اتے ڈیجیٹل میڈیا عام لوکاں تئیں اطلاعات دی رسائی کوں سوکھا بݨا ݙتے ۔ تقریب توں خطاب کریندے ہوئیں ڈائریکٹر جنرل انفارمیشن سروس اکیڈمی آکھیے جو ھک مہینے دے ایں تربیتی پروگرام اچ افسران کوں میڈیا قوانین اتے انتظامی امور اچ دسترس دے نال نال ڈیجیٹل اتے سوشل میڈیا دے سارے ضروری امور متعلق آگاہی ݙتی ڳئی جیں کیتے ماہرین دی خدمات حاصل کیتیاں ڳئن ۔ ڈائریکٹر انفارمیشن سروس اکیڈمی غزالہ امبرین تقریب دے شرکاءکوں کورس دے انعقاد بارے تفصیلی بریفنگ ݙتی۔ تقریب دے چھیکڑ اچ کورس اچ شریک تھیوݨ آلے افسران اچ سنداں تے شیلڈز ݙتیاں ڳئن ۔
