اسلام آباد۔14جولائی (اے پی پی):چیئرمین سینیٹ ہدایت کیتی اے جو آندے اجلاس اچ وزارت داخلہ دے سوالات دے مکمل جوابات آوݨے چاہیدن ۔ بدھ کوں سینیٹ اجلاس اچ وزارت داخلہ متعلق مختلف سوالاں دا ولدا نہ آوݨ تے چیئرمین کاوڑ کیتی اتے ہدایت کیتی جو جنہاں وزارتاں دے سوال ایجنڈے تے ہوون انہاں وزارتاں دے سیکرٹریز کوں وی گیلری اچ موجود ہووݨا چاہیدے۔ انہاں سیکرٹری سینیٹ کوں ہدایت کیتی جو او متعلقہ وزارت دے سیکرٹری کوں خط لکھن۔
