اسلام آباد۔6جون(اے پی پی):نائب وزیراعظم اتے وزیر خارجہ محمد اسحاق ڈار دورہ چین اچ بورڈ آف انویسٹمنٹ اتے کئی چینی اداراں وچال مفاہمت دی یادداشتاں تے دستخط دی تقریب دی اڳواݨی کیتی۔ وزیراعظم دے معاون خصوصی سید طارق فاطمی، سیکرٹری خارجہ محمد سائرس سجاد قاضی، چین اچ پاکستان دے سفیر خلیل ہاشمی، سیکرٹری بورڈ آف انویسٹمنٹ رحیم حیات قریشی اتے ایڈیشنل سیکرٹری بی او آئی ڈاکٹر ارفع اقبال وی انہاں دے نال ہن۔ ایم او یوز زراعت، لیبر انٹینسیو مینوفیکچرنگ انڈسٹری، ڈیجیٹل معیشت، گرین معیشت اتے لاجسٹک ماحولیاتی نظام بارے ہن۔ نائب وزیراعظم چین دی عالمی اقتصادی پالیسیاں دی اہمیت، چینی کاروباری اداراں دی بین الاقوامی مارکیٹ اچ سرمایہ کاری دی صلاحیت تے تعریف کریندے چین دے تعاون نال پاکستان دی مقامی مارکیٹ دی استعداد ودھاوݨ تے وی زور ݙتے۔
