اسلام آباد 12 مارچ (اے پي پي)وزيراعظم شاهد خاقان عباسي وئېلي دي پاكستان د سعودي عربستان سره خپلو اړيكو ته ډېر اهميت وركوي٬ د كعبې امام د پاكستان راتږ سره به د دواړو هېوادونو اولس ترمينځه نزدې او د ورورورلۍ اړيكې لا مضبوطې شي۔ده د دې خيالاتو څرګندونه د ګل په ورځ په وزيراعظم آفس كښې د كعبې امام الشېخ المالكي او نورو سعودي چارواكو سره د ملاقات په مهال وكړه٬ دغسې د مذهبي چارو وفاقي وزير سردار محمد يوسف٬د مواصلاتو وزير عبدالكريم٬سناتور مير او د سعودي سفير نواف بن سعيد المالكي هم موجود وو۔ د كعبې امام د پاكستان راتږ په مهال د هركلې مننه كولو سره ووئېل د پاكستان اولس زما ډېر احترام كوي او د پاكستان راتږ زه د خپل ځان لپاره يو اعزاز ګڼم۔وزيراعظم ووئيل د ده دورې سره به د دواړو هېوادونو اولس نزدې او د ورورولۍ اړيكې لا مستحكمې شي۔پاكستان د سعودي عرب سره خپلو اړيكو ته ډېر اهميت وركوي كومې چې د مذهبي رشتې٬ تاريخي اړيكو او شريك احترام په بنياد جوړی شوي۔د كعبې امام په هركلي كولو د وزيراعظم او د پاكستان حكومت مننه وكړه او وې وئېل ټوله اسلامي نړۍ پاكستان خپل طاقت ګڼي۔ د كعبې امام په منطقه كښې د امن ودې لپاره د پاكستان هڅې وستائېلې او د ترهه ګرۍ په لعنت قابو موندلو لپاره ئې د حكومت د هڅو او ګامونو ستائنه وكړه۔هغه د پكستان حكومت او اولس لپاره د نيكو خواهشاتو څرګندونه وكړه۔ دغسې وزيراعظم هم د خپل او پاكستاني اولس لخوا د خادم الحرمين الشريفين شاه سلمان بن عبدالعزيز ٬ولي عهد محمد بن سلمان٬د سعودي حكومت او سعودي عرب اولس ورورولۍ لپاره د نيكو هيلو څرګندونه وكړه
