اسلام آباد 26 فروری (اے پی پی)د پلاننګ كميسون دوهم چيئرمېن سرتاج وئېلي دي چې د چين او پاكستان د اقتصادي لارې په نتيجه كښې به د دواړو هېوادونو ترمينځه تجارت٬معيشت او ستراتېژېكي مرسته زياته شي٬د پروژې په نتيجه كښې به د انفارمېشن٬ډيجيټل٬سوشل٬كميونيكېشن او كلتور څانګې هم پرمختګ وكړي۔ده دا خبرې د ګل په ورځ د سي پیك كلتوري كاروان سېمينار ته د وېنا كولو په مهال وكړې د كوم اهتمام چې پاكستان نېشنل كونسل آف دي آرټس كړې وو۔پھ دې موقع د پلاننګ كميسون دوهم چيئرمېن خاص مېلما وو۔د پي اېن سي اے ډائرېكټر جنرل سيد جمال شاه د چين د سفارت كلتوري كونسلر٬پوهان٬اداكاران٬سندرغاړي او هنرمندان هم پھ دې دستوره كښې شريك وو۔سرتاج عزيز ووئيل چې د پاكستان كلتور ډېر ښيرازه دې او ټوله نړۍ پھ دې كښې خوښي لري۔د پاكستان كلتوري مصنوعات په ټوله نړۍ كښې پیژندل كېږي۔ده ووئيل چې د سي پېك په نتيجه كښې به د پاكستان او چين ترمينځه كلتوري اړيكې لا قوي شي۔ده ووئيل چې سي پېك د كلتوري پرمختګ موقعې وركوي۔د دې څخه وړاندې د پي اېن سي اے ډائرېكټر جنرل سيد جمال شاه په سېمينار كښې د ګډون كونكو هركلے وكړو او وې وئېل چې د سي پېك كلتوري كاروان د چين او پاكستان فنكارانو لپاره غوره موقع ده۔ده ووئيل چې په كال 19-2018 كښې به هم كلتوري كاروان كولې شي او په دې كښې به د مينځنۍ آسيا هنرمندانو او اديبانو ته هم بلنه وركولې شي۔د چين د سفارت كلتوري كونسلر ووئيل چې د پاكستان او چين كلتوري مرسته يو اوږد تاريخ لري۔د اطلاعاتو او خپرونو دوهمې وزيرې مريم اورنګزېب د چين دورې په مهال د كلتوري تبادلو پروګرام لاس ليك كړی وو
