لاهور 22 نومبر (اے پي پي) د پنجاب وزيراعلٰي شهباز شريف لخوا د عمران خان په ضد د لس اربه روپو هرجانې په دعوٰي زر تر زره د پرېكړې اورولو درخواست لاهور سول عدالت كښې دائر كړے شوے۔ د ميا شهباز شريف لخوا په دائر كړې درخواست كښې وئيلي شوي عمران خان د پانامه پېپرز په معامله اولس بې لارې كړې او په شهباز شريف ئې تور لګولې چې هغه عمران خان ته د لس اربه روپو وړاندېز كړے۔ په درخواست كښې وئيلي شوي عمران خان په شهباز شريف تور لګولو سره قام بې لارې كړې٬ سياسي مفادات ترلاسه كولو لپاره د شهباز شريف كردار كشي شوې۔ عدالت دې د عمران خان په ضد د لس اربه روپو د هرجانې پرېكړه وكړي۔ عمران خان د عدالتي كارروائۍ په مهال پرله پسې تاخيري حربې كاروي۔ د جولائي د اوومې نېټې نه تر اوسه د عمران خان لخوا په عدالت كښې جوابي دلائل ورنه كړې شول۔ په درخواست كښې وئيلي شوي عدالت دې د عمران خان په ضد د لس اربه روپو د هرجانې په دعوٰي زر تر زره پرېكړه وكړي۔
