پېښور 17 اکتوبر (اے پي پي) د خېبر پښتونخوا ګورنر انجینئراقبال ظفرجھګړا وئيلي دي د ټولنې پرمختګ لپاره معياري تعليم ډېر اهميت لري ٬ تعليمي نظام د جديد دور سره سمولو او د فعاله كردار وړ جوړولو ته اړتيا ده ۔ د دې خيالاتو څرګندونه ګورنر د روټس مېلينېم سكول زده كوٶنكو پلاوي سره خپلو خبرو كښې وكړه چا چې دوي سره په ګورنر هاٶس كښې ملاقات كولو۔ په دې موقع د سكول پرنسپله او نور استاذان هم موجود وو۔ ګورنر زده كوٶنكو ته تاكيد وكړو چې ھغوي دې خپل ټول پام تعليم ترلاسه كولو ته وګرځوي او د هېواد په پرمختګ كښې دې مهم كردار ترسره كړي۔ ده ووئيل د تعليمي ادارو ذمه واري ده چې ھغوي د نصابي هلو ځلو سره سره غېر نصابي هڅو ته هم خاص پام وكړي۔ ګورنر ووئيل د معياري تعليم نه غېر د هېواد پرمختګ خوب رښتيا كېدې نه شي۔
