نیویارك 21 ستمبر (اے پي پي) وزيراعظم شاهد خاقان عباسي وئيلي دي چې پھ نيويارك كښې د امريكائي اولس مشر ډونلډ ټرمپ سره د هغه مختصر ملاقات مثبت و۔ د مېډيا راپورونو له مخې د ملګرو ملتونو د عمومي اسمبلۍ د 72مې غونډې په موقع د امريكائي اولس مشر ډونلډ ټرمپ د اړخه د نړيوالو لارښودو په اعزاز كښې د سهار د ناشتې اهتمام شوے ؤ۔ د پاك امريكا بزنس كونسل لخوا د شورو په ورځ د ناشتې اهتمام شوے و۔ په دې موقع وزيراعظم شاهد خاقان عباسي ووئيل چې د امريكې اولس مشر ډونلډ ټرمپ سره ئې ملاقات شوے او دا ملاقات ډېر مثبت ؤ۔ د امريكې دوهم اولس مشر مائيك پينس سره د وزيراعظم شاهد خاقان عباسي د 45 دقيقيې اوږد ملاقات نه پس د امريكې اولس مشر ډونلډ ټرمپ سره وزيراعظم شاهد خاقان عباسي ليدلي دي۔ وزيراعظم ووئيل چې ده دونلډ ټرمپ سره د ملاقات په مهال وئيلي دي چې پاكستان د ترهه ګرۍ په ضد پوخ عزم لري۔ له بلې خوا د سپينې ماڼۍ د اړخه جاري شوي بيان كښې وئېلې شوي دي چې د امريكې دوهم اولس مشر مائيك پينس او د وزيراعظم شاهد خاقان عباسي ترمينځه په شوي ملاقات كښې په ډېرو مهمو چارو د خيالاتو څرګندونه شوې چې پكښې د امريكائي اولس مشر د سوئېلي آسيا په اړه پالېسي او د سيمې صورتحال شامل دي۔﴿
