اسلام آباد-20 آڪٽوبر (اي پي پي) سڌ سماءَ، قومي ورثي ۽ ثقافت واري وفاقي وزير عطا الله تارڙ چيو آهي ته تحريڪ انصاف سينيٽر زرقا ۽ سندس پٽ کي اغوا، تشدد ڪرڻ ۽ رشوت ڏيڻ جو الزام لڳايو، سوال ته بڻجي ٿو ته جيڪڏهن سينيٽر زرقا اغوا ٿي هئي ته پوءِ اغوا ڪندڙ کيس سينيٽ ۾ ڇو نه آندو؟ گذريل ڏينهن سماجي رابطي جي ويب سائيٽ ”ايڪس“ تي پنهنجي هڪ پوسٽ ۾ وفاقي وزير چيو ته تحريڪ انصاف الزام لڳايو هو ته سينيٽر زرقا کي اغوا ڪيو ويو، مارڪٽ ڪئي وئي ۽ رشوت ڏني وئي، اهڙي طرح اهو الزام به لڳايو ته زرقا جي پٽ کي اغوا ڪيو ويو ۽ تشدد ڪيو ويو. سوال بڻجي ٿو ته جيڪڏهن سينيٽر زرقا اغوا هئي ته پوءِ اغوا ڪارن کي سينيٽ ۾ ڇو نه وٺي آيا، صحيح چوندا آهن ته ڪوڙ جا پير ناهن هوندا.
