اسلام آباد-20 جولاءِ(اي پي پي) سڌ سماءَ بابت وفاقي سيڪريٽري شاهيره شاهد پرنسپل انفارميشن آفيسر مبشر حسن جي والد جي لاڏڻي تي گهري ڏک ۽ افسوس جو اظهار ڪيو آهي، جاري ڪيل تعزيتي بيان ۾ هن مبشر حسن جي ڪٽنب سان دلي همدردي جو اظهار ڪندي مرحوم جي ايصال ثواب لاءِ دعا ڪئي، وفاقي سيڪريٽري جاري ڪيل تعزيتي بيان ۾ چيو ته مبشر حسن جي والد جي لاڏاڻي جي خبر ٻڌي دلي افسوس ٿيو ، هن چيو ته والد هڪ اهڙي هستي آهي جنهن جي عظمت کي لفظن ۾ بيان نه ٿو ڪري سگهجي، مبشر حسن جي والد جي لاڏاڻي سان سندس ڪٽنب ۾ پيدا ٿيل خال ڪير به نه ٿو ڀري سگهي، هن چيو ته ڏک جي هن گهڙي ۾ اسان سندس ڪٽنب سان گڏ آهيون، شاهيره شاهد مرحوم جي مغفرت ۽ ڏکويل ڪٽنب جي صبر ۽ تحمل لاءِ ڌڻي در دعا گهري.
