اسلام آباد – 13 فيبروري (اي پي پي) سعودي عرب جو ولي عهد شهزاده محمد بن سلمان وزيراعظم عمران خان جي دعوت تي 16 فيبروري کان پاڪستان جو ٻن ڏينهن جو دورو ڪندو. اپريل 2017ع ۾ ولي عهد جي عهدي تي فائز ٿيڻ کانپوءِ اهو شهزاده محمد بن سلمان جو پاڪستان جو رياستي سطح جو پهريون دورو هوندو. ان سان گڏ سعودي شاهي خاندان جا ميمبر، اهم وزير ۽ ناليوارين ڪاروباري شخصيتن سميت اعليٰ اختياراتي وفد پڻ هوندو. پرڏيهي آفيس جي ترجمان پاران جاري بيان موجب شهزاده محمد بن سلمان جيڪو وزيرن جي ڪائونسل جو نائب صدر ۽ دفاع واري وزير سميت سلطنت جي ڪيترن ئي اهم عهدن تي فائز آهي ۽ 16 ۽ 17 فيبروري تي پنهنجي دوري دوران صدر ڊاڪٽر عارف علوي سان ملاقات ڪندو.
