اسلام آباد۔13جولائی(اے پی پی) صدر مملکت آصف علی زرداری آکھیے چین دے گلوبل ڈیویلپمنٹ انیشٹیو دے ذریعے پائیدار ترقی تے سانجھی خوشحالی یقینی بݨاوݨ سانڳے مشرقی اقوام دی مشترکہ کوششاں دی لوڑھ اے، گلوبل ڈیویلپمنٹ انیشیٹو اچ سانجھی ترقی کوں ودھارا ݙے تے دنیا دے مستقبل کوں بݨاوݨ دی وݙی صلاحیت اے ۔ ایوان صدر میڈیا ونگ توں جاری بیان موجب اے ڳالھ انہاں بیجنگ اچ چائنہ انٹرنیشنل ڈویلپمنٹ کوآپریشن ایجنسی دے اہتمام نال عالمی ایکشن مشترکہ ترقی دے فورم دے ݙوجھے اعلیٰ سطحی اجلاس توں ورچوئل خطاب اچ آکھی اے ۔صدر مملکت آکھیے ترقی پذیر ملک عالمی ترقی دے عمل اچ قائدانہ کردار نبھاون، پائیدار ترقی تے صحت دے عالمی چیلنج کوں مشرقی نقطہ نظر نال ݙیکھݨ دی لوڑھ اے ۔ صدر مملکت آکھیے زیادہ تر عالمی آبادی مشرقی ملکاں خاص کر چین ، پاکستان اتے ٻئے ہمسائے ملکاں اچ رہندی پئی اے ، پاکستان صدر شی جن پنگ تے چین دی طرفوں مشرقی ملکاں تے پوری دنیا دی قیادت اچ 21 ویں صدی اچ اڳوں ودھݨ چاہندے ، چین دے گلوبل ڈیویلپمنٹ انیشیٹو دا مقصد پائیدار ترقی دے ایجنڈ ے تے عمل درآمد کوں تکھا کرݨ اے ۔ صدر مملکت آکھیے پاکستان تےچین گلوبل ڈیویلپمنٹ انیشیٹیو تے عمل درآمد سانڳے مفاہمت دی یادداشت تے دستخط کر چکن۔
