اسلام آباد۔22جون (اے پی پی):نائب وزیراعظم محمد اسحاق ڈار آکھیے طبی تعلیم دے معیار کوں اُچا کرݨ ساݙے شہریاں دی صحت اتے بہبود سانڳے ٻہوں ضروری اے ، حکومت صحت دی ݙیکھ بھال کرݨ آلے پیشہ ور لوکاں دی اڳلی نسل دی مدد کرݨ تے انہاں کوں بہترین ممکنہ تعلیم اتے تربیت حاصل کرݨ کوں یقینی بݨاوݨ سانڳے پرعزم اے نائب وزیر اعظم دے دفتر توں جاری بیان موجب اے ڳالھ نائب وزیراعظم محمد اسحاق ڈار میڈیکل ایجوکیشن تے ݙوجھے اجلاس دی صدارت اچ آکھی اے ۔اجلاس اچ طبی تربیت تے تعلیم اچ جامع بہتری دے ذریعے صحت دی ݙیکھ بھال کون ودھاوݨ سانڳے حکومت دے اقدامات تے ڳالھ مہاڑ کیتی ۔ اجلاس اچ وزیر اعظم دے قومی کوآرڈینیٹر صحت، وزیر قانون و انصاف، ایم این اے ڈاکٹر نفیسہ شاہ، سیکرٹری صحت، صدر پی ایم اینڈ ڈی سی، چیئرمین ہائر ایجوکیشن کمیشن، صدر سی پی ایس پی، ایڈیشنل سیکرٹری (ایم ای اینڈ ایس آئی ایف سی) اتے ٻئی ممتاز سرکاری اتے نجی طبی اداریں اتے طبی برادری دے نامور ماہرین اتے سربراہان شرکت کیتی۔
