اسلام آباد۔27فروری(اے پی پی)وزیراعظم محمد شہباز شریف نوجواناں کوں ” یوتھ پروگرام” دے 10 سال پورے تھیوݨ تے مبارک ݙیندے آکھیے جو حکومت 2023 کوں نینگراں دا سال قرار ݙتے، اوکھے معاشی حالات دے باوجود نینگراں کوں پچھونہا نسے سٹ سڳدے، ایں سانڳے یوتھ پروگرام ولا شروع تھیندا پئے۔ یوتھ ویک دے موقع تے اپݨے سنیہے اچ انہاں آکھیا جو اے انقلابی پروگرام مسلم لیگ دی سنڄاݨ اے ڄیڑھا نینگراں دی ترقی کیتے اہم ثابت تھیندا پئے، نینگراں دی تعلیم ، ہنرمندی، صحت اتے روزگار نال ہی ملک ترقی کریسی۔ انہاں آکھیا جو یوتھ ویک سانڳے مختلف تقریبات تھیسن محنتی اتے ہونہار ٻالاں کوں لیپ ٹاپ ݙتے ویسن، مختلف سکیماں نال نوجواناں دی حوصلہ افزائی جاری رہسی۔ وزیراعظم آکھیا جو اوکھے معاشی حالات دے باوجود بلاسود تے سوکھیاں شرطاں تے نوجواناں کوں وسائل ݙیوݨ شروع کیتے جو نوجوان اپݨے روزگار نال اپݨے ٹٻر دا سہارا ٻݨن اتے ملکی ترقی اچ وی حصہ پاون۔
