کوئٹہ۔31مئی (اے پی پی):جمعیت علما اسلام بلوچستان دے صوبائی امیر اتے وفاقی وزیر ہاؤسنگ اینڈ ورکس مولانا عبدالواسع بلوچستان اچ بلدیاتی انتخابات اچ جمعیت علما اسلام دی صوبہ اچ کامیابی تے پارٹی عہدیداراں ضلعی امرا اتے کارکناں کوں مبارخ ݙیندے ہوئیں آکھیے جو جمعیت علما اسلام خیبر پختونخوا دے بعد بلوچستان دے بلدیاتی انتخابات اچ وݙے پیمانے تے کامیابی حاصل کیتی،اساں عوام دی خدمت وفاق صوبے دے بعد ضلعی سطح تے وی جاری رکھیسوں ، اے ڳالھ انہاں کوئٹہ اچ آپݨی رہائش گاہ تے پارٹی عہدیداراں تے کارکناں نال ڳالھ مہاڑ کریندے ہوئیں آکھی اے ، انہاں آکھیے جو جمعیت علما اسلام صوبے اچ ساریں توں وݙی سیاسی و مذہبی جماعت بݨ چکی اے ، 2018ء دے انتخابات دے بعد 29مئی کوں تھیوݨ آلے بلدیاتی انتخابات اچ جیویں کامیابی حاصل کیتی اے ایں تے اساں آپݨے کارکنان اتے ووٹرز کوں خراج تحسین پیش کریندوں۔
