لاہور۔30نومبر(اے پی پی)وزیر اطلاعات پنجاب عظمی بخاری آکھیے جو تحریک انصاف دا کوڑا پراپیگنڈہ ایکسپوز تھی چکیے ، کوڑیاں خبراں تے کوڑے پراپیگنڈے کرݨ آلیں دے خلاف سخت ایکشن تھیسی ۔ آپݨے ھک بیان اچ انہاں آکھیے تحریک انصاف پراپیگنڈہ سیل دی ساری کوڑی ویڈیو اتے پوسٹاں منظرعام تے آ چکن جیں توں تحریک انصاف دا کوڑا پروپیگنڈہ ایکسپوزتھی چکے ، پی ٹی آ ئی دے پراپیگنڈہ سیل دی طرفوں مردہ قرار ݙتے ڳئے بندے دی ویڈیو وی شیئر کرݙتی ڳئی اے ،تحریک فساد دے ڳجھ ھک ٻئی ناکام بغاوت دے بعد کوڑی ویڈیو اتے تصویراں دا سہارا گھندے پئن ۔عظمی بخاری مزید آکھیے تحریک انصاف دا پراپیگنڈہ سیل کوڑ ویچݨ تے لاشاں لبھݨ دی کوشش کریندا پئے ، اے سارا کرݨ وی بقول کجھ محب وطن پاکستانیاں دے انھاں دے بنیادی حقوق ہن؟ایں جھوٹ اتے پراپیگنڈے سانڳے انھاں کوں کھلی چھٹی ملݨی چاہیدی اے ؟۔ وزیر اطلاعات آکھیے اتنا کجھ تھیوݨ دے بعد ساریں کیتے شرم توں ٻُڈ مرݨ دا مقام اے ،کوڑیاں خبراں تے کوڑے پراپیگنڈے کرݨ آلیں دے خلاف سخت ایکشن تھیسی
