اسلام آباد۔21جولائی (اے پی پی) وفاقی وزیر بجلی خرم دستگیر آکھیا جو چین توں 2ارب 30کروڑ ڈالر دا مالی تعاون مل ڳئے، جلدی مہانگ ڳھٹ تھیسی، ٻئے ݙو دوست ملک وی پاکستان دی مدد کریسن۔ آئی ایم ایف توں وی اگست اچ قسط مل ویسی۔ عمرانی فتنہ کوڑ تے کوڑ مریندا پئے، اساݙا مقابلہ فاشسٹ جماعت نال اے۔ اداریاں دے خلاف بیان بازی کیتی ویندی پئ اے۔ عمران خان دا ایجنڈا اداریاں کوں تباہ کرݨ اے۔جمہوری طریقے نال اینکوں ہریسوں۔ عام انتخابات 2023 اچ تھیسن۔ اجوکی حکومت ترائے مہینے اچ 214 ارب گردشی قرضہ ڳھٹ کیتے۔ اے ڳالھیں انہاں خمیس کوں وزیرمملکت پٹرولیم ڈاکٹر مصدق ملک نال پریس کانفرنس کریندیں ہوئیں آکھی۔ خرم دستگیر خان آکھیا جو اڄوکی حکومت آپݨی مدت پوری کریسی۔ 2018ء دے الیکشن اچ وی پنجاب اچ اساݙی اکثریت ہئی اتے اساݙے ارکان دی تعداد 166 اتے عمرانی فتنے دی تعداد 155 ہئی۔ چین توں 2ارب 30کروڑ ڈالر دا مالی تعاون مل ڳئے، جلدی مہانگ ڳھٹ تھیسی۔
