نيويارڪ_ 09 آگسٽ(اي پي پي) گڏيل قومن ڀارت جي غير قانوني قبضي هيٺ ڄمون ڪشمير ۾ انساني حقن جي صورتحال تي ڳڻتي جو اظهار ڪيو آهي، گڏيل قومن جي نائب ترجمان فرحان حق پاران اهڙن خيالن جو اظهار 05 آگسٽ 2019 تي ڄمون ڪشمير جي خاص حيثيت ختم ڪرڻ وار ڀارت جي هڪ طرفي قدم بابت پڇيل هڪ سوال جي جواب ۾ ڪيو آهي، نيويارڪ ۾ عالمي اداري جي مرڪزي آفيس ۾ معمول جي بريفنگ دوران پڇيل هڪ سوال جي جواب ۾ هن چيو ته گڏيل قومن پاران ڀارت جي غير قانوني قبضي هيٺ ڄمون ڪشمير ۾ انساني حقن جي صورتحال جي باري ۾ جن خدشن جو اظهار اڳ ڪيو هو اهي هاڻي به برقرار آهن. واضع رهي ته 05 آگسٽ 2019 جي هڪ طرفي ڀارتي قدم جي ڇوٿين ورسي جي موقعي تي سڄي دنيا ۾ رهندڙ ڪشميرين ۽ پاڪستانين گڏيل قومن کان ڪشميرين کي انهن جو خوداراديت جو حق ڏيارڻ جو مطالبو ڪيو آهي.