باکو۔12نومبر (اے پی پی) کانفرنس آف پارٹیز دے 29ویں کلائمیٹ ایکشن سربراہی اجلاس (کاپ۔29) اچ شریک عالمی رہنماواں دے گروپ فوٹو سیشن اچ وزیراعظم محمد شہباز شریف پہلی صف اچ موجود ہن۔ فوٹو سیشن اچ ترک صدر رجب طیب اردوان ، آذربائیجان دے صدر الہام علیوف ، اقوام متحدہ دے سیکرٹری جنرل انتونیو گوتریش سودھے سربراہی اجلاس اچ شرکت کیتے آئے کئی عالمی رہنماواں شرکت کیتی۔ ترک صدر رجب طیب اردوان فوٹو سیشن کیتے پڄیے تاں وزیراعظم محمد شہبازشریف اڳوں ودھ تے انہاں دا استقبال کیتا۔ایں موقع تے وزیراعظم دی کئی عالمی رہنماواں نال رسمی ڳالھ مہاڑ وی تھئی۔ ایں توں پہلے وزیراعظم سربراہی اجلاس اچ شرکت کیتے پڄیے تاں اقوام متحدہ دے سیکرٹری جنرل انتونیوگوتریش اتے آذربائیجان دے صدر الہام علیوف انہاں دا استقبال کیتا۔
.jpg)
