کراچی۔ 22 مارچ (اے پی پی) وزیراعلیٰ سندھ سید مراد علی شاہ نال امریکا دے قونصل جنرل کونراڈ ٹریبل ملاقات کیتی اے ۔اجلاس دے جاری اعلامیہ موجب وزیراعلی سندھ آکھیے جو یو ایس ایڈ سندھ اچ شعبہ تعلیم اچ کجھ نویں منصوبے گھن آوے ۔ سید مراد علی شاہ آکھیے جو سیلاب پاروں وݙی تعداد اچ سکول عمارتاں متاثر تھئن ،چاہندوں جو یو ایس ایڈ اسکول دی عمارتاں دی تعمیر اچ تعاون کرے۔وزیراعلی سندھ آکھیے جو سیلاب سندھ اچ 21 لکھ گھر متاثر تھئن،5 ہزار گھراں دی تعمیر سانڳے فنڈز جاری تھی چکئن ، ھک ہزار گھراں دی تعمیر مکمل تھی چکی اے ۔وزیراعلیٰ سندھ آکھیے حکومت محکمہ سوشل پروٹیکشن بݨائے ،غذائی قلت دے منصوبے تے کم محکمہ سماجی بہبود شروع کرݙتے ۔ یو ایس قونصل جنرل ڳالھ کریندے ہوئیں آکھیے جو گوگل کراچی اچ ٹریفک مینجمنٹ پروگرام شروع کرݨ چاہندی اے جیں تے وزیراعلی سندھ آکھیے جو سندھ حکومت گوگل دا بھرپور تعاون کریسی ۔یو ایس مشن ڈائریکٹر آکھیے یو ایس ایڈ موسمیاتی تبدیلی دا منصوبہ تعلیم سانڳے گھن آوݨ چاہندی اے ،یو ایس ایڈ اسکول دی عمارتاں اچ بھرپور تعاون کریسی ۔یو ایس ایڈ پاکستان دی سربراہ وزیراعلیٰ دے شعبہ تعلیم اچ دلچسپی دی تعریف کیتی ۔ انھاں مزید آکھیے مدر چائلڈ نیوٹریشن تے سندھ اچ کم کرݨ چاہندوں ۔ وزیراعلیٰ سندھ صوبائی حکومت نال تعاون تے یو ایس ایڈ دا شکریہ وی ادا کیتے۔
