واشنگٹن۔6جون(اے پی پی) امریکا اچ پاکستان دے سفیر مسعود خان آکھیے نینگر پروفیشنلز اتے کاروباری رہنماواں وچال سانجھے تبادلے اتے نیٹ ورکنگ توں نہ صرف پاک امریکا ݙوطرفہ اتے تجارتی تعلقات کوں مضبوط بݨاوݨ بلکہ ݙوہیں ملکاں وچال غلط فہمیاں کوں دور کرݨ اچ وی مدد ملسی۔ اے ڳالھ انہاں نینگر پاکستانی انٹریپرینئورز دے گروپ نال ملاقات اچ آکھی اے ۔ انہاں انٹریپرینئورز دی انہاں صلاحیتاں تے انفارمیشن ٹیکنالوجی (آئی ٹی) اچ مہارتاں دی تعریف کیتی جیں پاروں پاکستان امریکا تعلقات نویں رستے تے گامزن تھئن ۔ پاکستانی انٹریپرینئورز دا 5رکنی گروپ ایں ویلھے امریکا دی مالی اعانت نال چلݨ آلے پروفیشنل فیلوز پروگرام (پی ایف پی)دے تحت امریکا دے دورے تے ہے۔پی ایف پی پروگرام سانجھی افہام و تفہیم کوں ودھارا ݙیوݨ ، پیشہ ورانہ مہارتاں کوں ودھاوݨ ، نوجوان پروفیشنلزتے کاروباری لوکاں وچال طویل مدتی شراکت داری قائم کرݨ کیتے کم کریندا پئے ۔ پاکستانی وفد دی میزبانی اوکلاہوما یونیورسٹی کر یندی پئی اے ۔ پاکستانی وفد اچ سینئر پروگرام آفیسرانوویشن ،لائیویلی ہڈ اینڈ پرائیویٹ سیکٹر ڈویلپمنٹ سرحد رورل سپورٹ پروگرام احسن ضیا، فائونڈنگ ممبر گلوبل شرپرز ہب ایبٹ آباد خضر علی رضوی، لیڈ ٹرینر ڈی ای ایم او نتاشا محمود، سی ای او نایاب روگ سیدہ نایاب اتے ڈائریکٹر کمیونٹی افیئرز انڈیگو نیکسٹ افراسیاب خان شامل ہن جݙاں جو وفد اچ اوکلاہوما یونیورسٹی توں کیتھی ایڈمز وی شامل ہن ۔ پاکستانی سفیر آکھیے نوجوان انٹرپرینئورز اپݨی کاروباری صلاحیتاں، آئی ٹی دی مہارت اتے تخلیقی اپروچ توں پاک امریکا تعلقات کوں سانجھے طور تے تقویت ݙیوݨ کیتے کوششاں کریندے پئن ایں سلسلے اچ ٹیکنالوجی تے تجارتی ماحولیاتی نظام کوں مضبوط کریندے پئن۔
