اسلام آباد-01 نومبر (اي پي پي) صنعت ۽ پيداوار واري وفاقي وزير راڻا تنوير حسين جي صدارت هيٺ سيمڊا جو 22هون بورڊ آف ڊائريڪٽرز جو اجلاس منعقد ٿيو. صنعت ۽ پيداوار واري وزارت طرفان بيان موجب بورڊ سميڊا جي جديد رُخن تي نئين سر جوڙجڪ جي منظوري ڏئي ڇڏي. ان موقعي تي وفاقي وزير چيو ته سميڊا جو پاڪستان جي معيشت ۾ اهم ڪردار آهي. ننڍي ۽ وچولي ڪاروبار کي بااختيار بڻائڻ جٽادار ترقي لاءِ اهم آهي. وفاقي وزير چيو ته ايس ايم ايز روزگار جو اهم ذريعو آهي، سمال ميڊيم انٽر پرائزز جي ترقي حڪومت جي پهرين ترجيح آهي. ايس ايم اي شعبي جي ترقيءَ لاءِ پاليسين تي فوري عملدرآمد ضروري آهي.
