اسلام آباد۔17جنوری (اے پی پی) وفاقی وزیر خزانہ تے محصولات سینیٹر محمد اسحاق ڈار منگل کوں عوامی جمہوریہ چین دے سبکدوش تھیوݨ آلے سفیرنونگ رونگ دے اعزاز اچ وزیراعظم محمد شہباز شریف ولوں الوداعی ظہرانہ ݙتا۔ وفاقی وزیر برائے منصوبہ بندی تے خصوصی اقدامات احسن اقبال، وزیر تجارت سید نوید قمر، معاون خصوصی خزانہ طارق باجوہ، معاون خصوصی طارق فاطمی ، ظفر الدین محمود، گورنر سٹیٹ بینک آف پاکستان اتے ٻے الوداعی ظہرانہ دی تقریب اچ شرکت کیتی۔ وزیرخزانہ چین دے سفیر دا خیر مقدم کیتا اتے ݙوہیں ملکاں وچال دوستانہ تعلقات تے روشنی پاتی۔ چینی سفیر انہاں دا شکریہ ادا کیتا اتے ݙوہیں ملکاں وچال ݙو پاسہ تعلقات کوں مضبوط ٻݨاوݨ دی کوششاں اچ پاکستانی قیادت ولوں ݙتی ڳی مدد اتے حمایت تے شکریہ ادا کیتا۔ وزیر خزانہ اسحاق ڈار ، وزیر اعظم پاکستان ولوں نونگ رونگ اتے انہاں دی مستقبل دی ذمہ واریاں کیتے نیک خواہشات دا اظہار کیتا۔
.jpg)
