اسلام آباد۔17دسمبر (اے پی پی):ترجمان دفتر خارجہ بھارتی وزارت خارجہ دے گزریل ݙینھ بیان کوں مسترد کریندے ہوئیں آکھیے جو بھارتی حکومت آپݨے بیان دے ذریعے 2002 دے گجرات دے قتل عام دے حقائق تے راز لکاوݨ دی کوشش کیتی اے، جیڑھا جو ھک وݙے پیمانے تے قتل عام،لاقانونیت، عصمت دری اتے لٹ مار دی شرمناک کہانی اے تے حقیقت اے ہے جو گجرات قتل عام دے ماسٹر مائنڈ انصاف توں بچ ڳئن تے ہݨ بھارت اچ اہم سرکاری عہدیں تے فائز ہن۔ ترجمان دفتر خارجہ دی طرفوں بھارتی وزارت خارجہ دے بیان دے حوالے نال میڈیا دے سوالاں دا ولدا ݙیندے ہوئیں آکھیے جو بھارتی ریاستی دہشت گردی دے جرائم دی الفاظ توں پردہ پوشی نی کیتی ونڄ سڳدی ۔ حکمران جماعت دے ہندوتوا سیاسی نظریے نفرت، انتشار اتے استثنی دے ماحول کوں پروان چڑھائے ۔استثنی دا کلچر ہݨ بھارت اچ ہندوتوا نال چلݨ آلی سیاست پئے ڳئے ۔ دہلی۔لاہور سمجھوتہ ایکسپریس جیں اچ ہندوستانی سرزمین تے 40 پاکستانی شہری ہلاک تھی ڳئن جیہے ݙراوݨے حملے دے ماسٹر مائنڈ اتے مجرماں دی بریت آر ایس ایس۔بی جے پی دے نظام دے تحت انصاف دے قتل عام دا واضح ثبوت اے۔ مذہبی اقلیتاں کوں تڑیاں ݙیوݨ شیطانیت کوں بھارت دیاں ریاستاں اچ سرکاری سرپرستی حاصل اے۔ ہندوتوا دی بالادستی کوں ڳئوں دی حفاظت، عبادت گاہواں دی بھن تروڑ تے مذہبی اجتماعات تے حملہ کرݨ کیتے کھلی چھوٹ ݙتی ڳئی اے ۔ جیویں جو مظلومیت دی ھک فرضی داستان پیش کیتی ڳئی اے ۔ اے خود بھارتی غیر قانونی تسلط جموں و کشمیر اچ جبر دا مرتکب اتے جنوبی ایشیا اچ دہشت گرد گروپاں دا کفیل اتے مالی معاون اے۔ صرف اڄوکے ہفتے، ھک ڈوزیئر جاری کیتا ڳئے جیں اچ 2021 اچ لاہور دے ھک پرامن علاقے اچ تھیوݨ آلے دہشت گرد حملے اچ بھارت دے ملوث ہووݨ دے ناقابل تردید ثبوت موجود ہن ۔ بین الاقوامی تعاون نال ڳھدے ڳئے ثبوت ایں ڳالھ دی تصدیق کریندن جو لاہور حملے اچ ملوث دہشت گرداں کوں بھارتی ریاست دی سرپرستی ہئی جیں دا منصوبہ تے مالی معاونت بھارت اچ کیتا ڳئے ۔
.jpg)
