لاہور۔14مئی(اے پی پی) نگراں وزیراعلی پنجاب محسن نقوی آکھیے 9 مئی کوں لاہور سودھے ٻئے شہراں اچ دہشت گردی دے ہولناک واقعات تھئن تے پاکستان تے حملہ کیتا ڳئے ،دہشت گردی دے انہاں واقعات اچ ہݨ تئیں دے تخمینے دے مطابق 600کروڑ روپے دا ضیان تھئے ،نقصانات 600کروڑ روپےتوں کتھائیں ودھ ہن ،حالی مزید تخمینے دا تعین کیتا ویندا پئے ۔ وزیراعلی آفس اچ سینئر صحافیاں نال ڳالھ مہاڑ کریندے ہوئیں نگراں وزیراعلی محسن نقوی ݙسایا جو سارے حملے، جلاؤ گھیرا،لٹ مار اتے بھن تروڑ باقاعدہ منصوبہ بندی دے تحت کیتی ڳئی ، پنجاب اچ 23عمارتاں کوں س??ڑیا ڳئے ، سرکاری و نجی املاک تے پولیس دیاں ڳاݙیاں کوں تباہ کیتا ڳئے ۔پولیس اتے ٻئے اداریں دی 108گاݙیاں س??ڑیاں ڳئن ،جناح ہاؤس(??ور کمانڈر ہاؤس)،بینک،ایمبولینسزکو?? وی بھاہ لاتی ڳئی ۔ میانوالی اچ اسلحہ برداراں کوں جمع کیتا ڳئے ۔نگراں وزیراعلی محسن نقوی آکھیے پکے شواہد ہن جو پی اے ایف بیس میانوالی تے جہازاں کوں س??ڑݨ دی مذموم پلاننگ کیتی ڳئی جیں اچ او ناکام رہیے ۔ سیاست دی آڑ اچ دہشت گردی کیتی ڳئی ،دہشت گردی دے انہاں کیسز کوں منطقی انجام تئیں پڄیسوں ۔کہیں بے گناہ کوں وٹھیا نہ ویسی تے دہشت گردی دا کوئی ذمہ وار بچ نہ سڳسی ۔ جیڑھا کجھ وی تھی ونڄے دہشت گردی دے ہر ذمہ وار دی گرفتاری تئیں آرام نال نہ ٻہسوں ۔ دہشت گردی دے انہاں واقعات اچ ملوث ہر شرپسند کوں کیفر کردار تئیں پڄیسوں ۔ دہشت گردی دے انہاں کیسز تے کمپرومائز کرݨ پاکستان نال ظلم دے مترادف ہوسی ، جیڑھا وی میݙی ج??ہ تے ایں کرسی تے ٻہسی ،دہشت گردی دے ذمہ واراں کوں س??ا ݙیوݨ اوندا وی فرض اے ۔ لبرٹی اچ سیاسی جماعت دا احتجاج ہئی ،ایہے کارکن کینٹ اچ ونڄ تے دہشت گردی کریندے رہیے ۔400شرپسنداں جناح ہاؤس دے اندر دھاوا ٻول ݙتا تے بھاہ لاتی ۔ تقریبا3400شرپسند جناح ہاؤس دے ٻاہر ہن ۔جناح ہاؤس دی بحالی دا کم وزارت دفاع کریندی پئی تے اے تے اینکوں وختی اصل حالت اچ بحال کیتا ویسی ۔وزیراعلی ݙسایا جو دہشت گرداں کوں کڑی سزا ݙیواوݨ چاہندوں ، حملے پری پلان ہن ۔
