لاہور۔29دسمبر(اے پی پی)وزیراعلیٰ پنجاب عثمان بزدار دی اڳواݨی اچ اعلیٰ سطح اجلاس تھئے جیندے اچ نویں بلدیاتی ایکٹ دے تحت اختیارات دی نچلی سطح تے منتقلی دے نظام دا جائزہ ڳھدا ڳیا۔ وزیراعلیٰ عثمان بزدار آکھیا جو پنجاب کابینہ نویں بلدیاتی ایکٹ دی منظوری ݙتی ہوئی اے جیندے نال صوبے دے عوام بااختیار ٻݨسن، ایں نویں بلدیاتی نظام کوں صلاح مشورے نال مکمل کیتا ڳئے، نواں لوکل گورنمنٹ سسٹم عوام دے مسائل انہاں دی درسال تے حل کرݨ اچ اہم کردار ادا کریسی، نچلی سطح تے اختیارات کوں حقیقت اچ منتقل کرتے عوام کوں بااختیار ٻݨایا ویسی، پہلی واری براہ راست انتخابات کرائے ویسن اتے مقامی سطح تے ترقی دے نواں دور شروع تھیسی، پنجاب دی تاریخ اچ پہلی واری بااختیار لوکل گورمنٹس ٻݨسن۔
