پشاور۔25اپریل (اے پی پی):سوات اچ سی ٹی ڈی تھاݨے اچ تھیوݨ آلے دھماکے دی ابتدائی رپورٹ جاری کرݙتی ڳئی اے ۔ رپورٹ موجب زیادہ امکان ایں ڳالھ دا اے جو دھماکہ مال خانہ اچ اسلحہ تے بارود دے ذخیرہ اچ شارٹ سرکٹ دی وجہ توں تھئے ۔سنوار دی رات کوں سوات دے علاقے کبل اچ سی ٹی ڈی تھاݨے اچ تھیوݨ آلے دھماکے توں سی ٹی ڈی اہلکاراں سودھے 15 بندے جاں بحق جݙاں جو 57 زخمی تھئن جنہاں اچوں 8 دی حالت تشویشناک اے۔پولیس رپورٹ موجب تھاݨہ سی ٹی ڈی اچ شارٹ سرکٹ توں دھماکا تھیوݨ دا زیادہ امکان اے ، ٻاہروں حملے دا حالی تئیں کوئی ثبوت نی ملیا ۔ رپورٹ اچ ݙسایا ڳئے جو تھاݨے دے مال خانہ اچ گولہ بارود کوں بھاہ لڳی ، دھماکے دے ٻئے پہلوواں دا وی جائزہ ڳھدا ویندا پئے ۔ابتدائی طور تے ایں کوں خودکش حملہ قرار ݙتا ویندا پئے تاں جو بعد اچ سوات ڈی پی او امکان ظاہر کیتے حالی تئیں حملے دے خودکش ہووݨ دے کوئی آثار نی ملیے ۔ خودکش حملہ آور زیادہ تر گیٹ تے ہی خود کوں اݙا ݙیندن لیکن اے دھماکہ تھاݨے دے اندر تھئے تے زیادہ امکان ایہو ہے جو مال خانہ اچ شارٹ سرکٹ تو بارودی مواد پھٹ ڳن جیں توں تھاݨے دا کجھ حصہ زمین بوس تھی ڳئے ۔
.jpg)
.jpg)
