اسلام آباد۔8مارچ(اے پی پی) وزیر صحت عبدالقادر پٹیل آکھیے عوامی خدمت ساݙا مشن اے اتے صحت دا شعبہ اولین ترجیح اے،پولی کلینک ہسپتال اچ جدید اینالائزر الیزا ٹیسٹ مشین انسٹال کرݙتی ڳئی اے جیں توں پولی کلینک اچ ٻہوں ساریاں بیماریاں دی تشخیص اچ سوکھ میسر آسی ۔بدھ کوں وزارت صحت دے ترجمان موجب وفاقی ہسپتالاں دی کارکردگی اچ بہتری کیتے اصلاحات دا سلسلہ تکھے جاری اے ۔ وزیر صحت عبدالقادر پٹیل دی ہدایت تے پولی کلینک ہسپتال اچ ھک ٻئے انقلابی اتے تاریخی قدم چیندے ہوئیں ہسپتال اچ ایبٹ دی جدیداینالائزر الیزا ٹیسٹ مشین انسٹال کرݙتی ڳئی اے ۔ترجمان موجب ایں حوالے نال وزیر صحت عبدالقادر پٹیل آکھیے عوامی خدمت ساݙا مشن اے تے صحت دا شعبہ اولین ترجیح اے ،پولی کلینک ہسپتال اچ ایبٹ دی جدیداینالائزر الیزا ٹیسٹ مشین انسٹال کرݙتی ڳئی اے ،ڳلہڑ دی بیماریاں، ہیپاٹائٹس بی سی، ڈینگی، ایچ آئی وی اتے ہارمونز دے ٹیسٹ ہݨ ایں مشین تے کیتے ونڄ سڳدن ، وٹامن اے ،بی ،سی اتے ڈی دی کمی و بیشی جانچݨ دے ٹیسٹ وی کیتے ویسن ۔ انہاں آکھیے ٹی تھری ٹی فور اتے ٹی ایس ایچ دے مہانگے ٹیسٹ وی پولی کلینک ہسپتال اچ کیتے ویسن ، ایف ٹی تھری اتے ایف ٹی فور جیڑھے انہاں ساریں توں ودھ مہانگا ٹیسٹ اے او وی ہݨ پولی کلینک توں فری ہوسی۔
