اسلام آباد۔1اکتوبر (اے پی پی) وزیر اعظم محمد شہباز شریف دا نامور جاپانی ریسلر انوکی دے انتقال تے ݙکھ تے افسوس کیتے۔ ہفتے کوں آپݨے ہک ٹویٹ اچ وزیر اعظم نامور جاپانی ریسلر انتونیو انوکی دے انتقال تے ݙکھ تے افسوس کریندیں ہوئیں پراݨی یاداں کوں تازہ کیتا اتے آکھیا جو تقریباً ݙاہ سال پہلے میݙی لاہور اچ انہاں نال ملاقات تھئی، انہاں ملاقات دی تصویر وی شیئر کیتی۔ وزیر اعظم محمد شہباز شریف مرحوم دے ٹٻر اتے جاپانی عوام نال تعزیت کیتی۔ جاپانی میڈیا دے مطابق انتونیو انوکی دا اصل ناں کانجی انوکی ہئی جیڑھے جو عالمی سطح تے معروف پروفیشنل ریسلر ہن۔
