جڪارته _ 21 جون (اي پي پي ) انڊونيشيا جي اوڀر صوبي پاپوا ۾ 5.7 شدت جي زلزلي جا لوڏا محسوس ڪيا ويا پر سونامي وارننگ جاري ناهي ڪئي وئي. انڊونيشيا جي موسميات کاتي ۽ جيوفزڪس ايجنسي ٻڌايو ته زلزلي جا لوڏا گادي واري شهر جڪارته جي مقامي وقت مطابق جمعي ڏينهن صبح 7 لڳي 11 منٽن تي محسوس ڪيا ويا. زلزلي جو مرڪز ياليمور ايجنسي کان 68 ڪلو ميٽر اتر اوڀر ۾ ۽ زمين جي سطح کان 78 ڪلو ميٽر جي اونهائي ۾ هو. ايجنسي مطابق زلزلي بعد سونامي وارننگ جاري ناهي ڪئي وئي. شنوا صوبائي موسميات واري کاتي جي عهديدار ڪيرولين جي حوالي سان ٻڌايو ته زلزلي سبب متاثر علائقن کان ڪنهن قسم جي نقصان جو ڪو اطلاع ناهي مليو .
