قاهره- 29 جنوري (اي پي پي)سعودي عرب ۽ مصر هڪ ڀيرو ٻيهر گڏيل طور تي غزه پٽي ۾ جاري ويڙهه روڪڻ ، فوري جنگ بندي ۽ متاثر ماڻهن تائين امداد جي فراهمي جو مطالبو ڪيو آهي. العربيه مطابق سعودي عرب جي پرڏيهي وزير شهزاده فيصل بن فرحان چيو آهي ته مملڪت غزه پٽي ۾ ويڙهه روڪڻ ، فوري جنگ بندي ۽ متاثر ماڻهن تائين امداد جي فراهمي کي اولين ترجيح ڏئي ٿي. هن قاهره ۾ پنهنجي مصر جي هم منصب سامح شڪري سان پريس ڪانفرنس ۾ چيو آهي ته مملڪت علائقائي مسئلن تي مصر سان گڏيل سهڪار جي خواهشمند آهي. هن عالمي برادري طرفان فلسطينين کي ملندڙ اجتماعي سزا روڪرائڻ لاءِ گڏيل طور تي فيصلو ڪيو. سندس چوڻ هو ته اسرائيل طرفان فلسطينين کي ملندڙ اجتماعي سزا ڏيڻ جي ڪنهن کي به اجازت نه ڏني ويندي. اسرائيل فلسطينين جي حوالي سان عالمي قانونن جون ڀڃڪڙيون ڪري رهيو آهي. ان موقعي تي مصر جي پرڏيهي وزير غزه ۾ فوري ۽ جامع جنگبندي جي مطالبي جو ورجاءُ ڪيو.
