رياض _07فيبروري (اي پي پي ) سعودي ولي عهد ۽ وزيراعظم شهزاده محمد بن سلمان ترڪيه جي صدر رجب طيب اردوان سان ٽيلي فون تي رابطو ڪيو آهي . سعودي خابرو اداري مطابق هن زلزلي سبب متاثر خاندانن ، ترڪيه صدر ۽ عوام سان تعزيت جو اظهار ۽ زخمين لاءِ فوري صحتيابي جي دعا ڪئي . هن وڌيڪ چيو ته ان قدرتي آفت سان منهن ڏيڻ لاءَ سعودي عرب ترڪيه جي مدد ڪندو ۽ ان ڏک جي وقت ۾ ان سان گڏ آهي . ترڪيه جي صدر ڀائراڻي جذبي جي اظهار تي سعودي ولي عهد جو شڪريه ادا ڪيو .
