اسلام آباد۔4ستمبر(اے پی پی)وفاقی وزیر خزانہ و ریونیو سینیٹر محمد اورنگزیب نال جے پی مورگن پاکستان دے سی ای او امین محمد خواجہ دی اڳواݨی اچ بین الاقوامی سرمایہ کاراں دا وفد ملیے اتے پاکستانی معیشت اچ ادارہ جاتی سرمایہ کاری، فکسڈ انکم سرمایہ کاری دے معاملیاں تے الائے۔ وزیر خزانہ ملک اچ معاشی استحاکام سانڳے اصلاحات، تجارت و سرمایہ کاری سہولت، میکرو اکنامک اشاریاں اچ بہتری، برآمدات ودھݨ اتے مہانڳ ڳھٹاوݨ کیتے اقدامات دا ݙسیندے پاکستان دی خود مختار کریڈٹ ریٹنگ اچ بہتری تے شکر ادا کیتے۔ انہاں آکھیا جو ملکی معاشی نمو مالیاتی نظم و ضبط، افراط زر دے انتظام کار اتے ادائیگیاں دے سازگار توازن تے کھڑن۔ انہاں آکھیا جو اصلاحات دا ایجنڈا غیر ملکی سرمایہ کاراں کیتے ودھ سازگار ماحول اتے معیشت دے طویل مدتی استحکام سانڳے ٻݨایا ڳئے۔ وفد پاکستان اچ کاروبار اتے سرمایہ کاری کیتے حکومتی سہولتاں دی تعریف کیتی اتے وزیر خزانہ نال قابل تجدید توانائی، انفارمیشن ٹیکنالوجی، بنیادی ڈھانچہ دی ترقی اتے مالیاتی شعبہ سودھا ٻئے شعبیاں اچ سرمایہ کاری دے مواقع تے ڳالھ مہاڑ کیتی۔
