اسلام آباد 24 دسمبر (اے پي پي) وزيراعظم شاهد خاقان عباسي د نېول بېس په آپرېشنل تيارو د اطمينان څرګندونه كولو سره وئيلي دي چې د پاك بحريه د افسرانو او ځوانانو لخوا په سختو سيمو كښې د خپلو كورنيو نه لرې پاتې كېدو سره د هېواد دفاع باوري كول د ستائنې وړ دي۔ د پاك بحريه لخوا جاري شوې خبرپاڼې له مخې وزيراعظم شاهد خاقان عباسي په د جناح نيول بېس څخه د پاكستان نيوي په سب مېرين سعود بورډنګ او سيلنګ وكړو۔ شاهد خاقان عباسي د پاك بحريه په ابدوز په پراخ سمندر كښې تلونكې د هېواد د تاريخ وړومبې وزيراعظم دے۔ د پاك بحريه مشر اېډمرل ظفر محمود عباسي هم په دې موقع وزيراعظم سره و۔ وزيراعظم ته د سب مېرين فورس د تاريخ او كاميابو په اړه بريفنګ وركړے شو۔ وزيراعظم سب مېرين ډائيونګ او پروسيجرز هم وكړل او هغه ته روايتي ډالفن نشان وړاندے كړے شو۔ هغه د پاك بحريه لخوا ډالفن نشان ترلاسه كوونكې وړومبې وزيراعظم دے۔ وزيراعظم د جناح نېول بېس اوماړه دوره هم وكړه او هلته ئې د دفاعي تنصيباتو جاج واخستو۔ وزيراعظم د نېول بېس په آپرېشنل تيارو د اطمينان څرګندونه كولو سره ووئيل چې د پاك بحريه د افسرانو او ځوانانو لخوا په سختو سيمو كښې د خپلو كورنيو نه لرې پاتې كېدو سره د هېواد دفاع باوري كول د ستائنې وړ دي۔ وزيراعظم ووئيل چې د بلوچ اولس سماجي خېر ښېګړې لپاره د پاك بحريه هڅې د ستائنې وړ دي۔
