اسلام آباد 12 اکتوبر (اے پی پی) وزیراعظم شاهد خاقان عباسی سره د جاپان سفیر تاکاشی کورائی ليدلې دي ۔ د وزیراعظم آفس لخوا جاری شوې بیان له مخې د ملاقات په مهال وزیر اعظم شاهد خاقان عباسی ووئيل جاپان د پاکستان ملګرې او د باور وړ معاشی شراکتدار دے ٬د پاکستان اقتصادی حالات او د امن وضعه ښه شوې ده ٬ ښه امن د قانون نافذ کونكو ادارو د کارروائیو نتيجه ده۔ په دوه اړخيزه اړيكو زور راوړلو سره وزیراعظم شاهد خاقان عباسی ووئيل پاکستان جاپان سره مرستې ته وده وركول غواړي ٬ تجارت ٬سرمایه کاری ٬بنیادی اډھانې ٬توان په څانګو كښې او د دواړه هېوادونو د اولس ترمينځه رابطې زياتولو له خوښې لرو۔وزیرا عظم ووئيل د پاکستان ټیکسټائل لپاره دې جاپان د عارضی ټیرف اقداماتو ترمخه د نورو درېو څلورو كلونو په استثنیٰ غور وكړي دغسې چې پاکستان دې څانګه كښې خپل مسابقت کاروسره مقابله وكړې شي۔ وزیراعظم د جاپان د کمپینیو د اړخه پاکستان كښې د سرمایه کارۍ هركلې كولو سره ووئيل دې سره به زمونږ صنعتونه د زيات پيداوار جوګه شي۔ د جاپان سفیر تاکاشی کورائی پاکستان كښې اقتصادی پرمختګ ستائلو سره ووئيل جاپان كښې د پاکستان تصور بدل شوې ٬ اوس جاپانيان پاکستان د کاروبار دوست هېواد په توګه پېژني۔ ده ووئيل پاکستان كښې د سلامتیا چارې ٬ د انفرسټرکچر ښه والې او کاروبار دوست ماحول جوړولو ته د قدر په سترګه ګورو
