کوئٹہ۔ 23 جولائی (اے پی پی) وزیر اعظم یوتھ پروگرام دے چیئرمین رانا مشہود احمد خان آکھیا جو اڄوکی حکومت بلوچستان دے زخماں تے مرہم رکھ تے صوبے اچ معاشی استحکام کیتے پرعزم اے۔ او ویلھا پرے نئی جڈاں بلوچستان پاکستان دا ترقی یافتہ صوبہ ہوسی۔ اتحاد نال بلوچستان کوں دنیا کیتے رول ماڈل ٻݨٰسوں۔ اے ڳالھیں انہاں منگل کوں پروگرام برائے پائیدار دیہی ترقی تے خوشحالی دے تحت میچنگ گرانٹس دے چیک تقسیم کرݨ دی تقریب توں خطاب کریندیں ہوئیں آکھی۔ ایں موقع تےصوبائی وزیر تعلیم راحیلہ حمید درانی، پاکستان پاورٹی ایلیویشن فنڈ دے چیف ایگزیکٹو آفیسر نادر گل بڑیچ، قومی ورثہ تے کلچر ڈویژن دے ایڈوائزر کاشف ارشاد، ترقی فائونڈیشن دے امجد رشید، رکن صوبائی اسمبلی روی پہیوجہ، پروگرام منیجر مدیحہ اسلم، گراسپ پروگرام دے جہانزیب خان، بی آر ایس پی دے چیف ایگزیکٹو آفیسر طاہر الرشید سابق سینیٹر روشن خورشید بروچہ، قبلہ ایاز، زمیندار ایکشن کمیٹی دے کاظم خان اچکزئی، چیمبر آف کامرس اینڈ انڈسٹری دے سید عبدالاحد آغا، عبدالمتین اخند زادہ، یو این ڈی پی دے صوبائی سربراہ ذوالفقار درانی اتے ٻئے موجود ہن۔ رانا مشہود احمد خان ایں موقع تے آکھیا جو اڄوکی حکومت بلوچستان دے زخماں تے مرہم رکھ تے صوبے اچ معاشی استحکام کیتے پرعزم اے۔
