اسلام آباد – 26 آگسٽ (اي پي پي) وزيراعظم عمران خان کي ايشيائي ترقياتي بئنڪ جي صدر مساتسو گواسڪاواڪي پاران ٽيليفون ڪئي وئي، وزيراعظم ميڊيا آفيس مان جاري بيان موجب ايشيائي ترقياتي بئنڪ جي صدر ڪابل ايئرپورٽ تي ايشيائي ترقياتي بئنڪ جي ڦاٿل اهلڪارن کي ڪڍڻ ۾ سهولت فراهم ڪرڻ تي پاڪستان جي ڪردار کي ساراهيو. وزيراعظم عمران خان ايشيائي ترقياتي بئنڪ جي صدر سان ڳالهه ٻولهه ۾ پاڪستان ۾ ڪووڊ – 19 جي منفي اثرن کي گهٽ ڪرڻ ۽ ڪورونا ويڪسين جي خريداري ۾ مدد تي ايشيائي ترقياتي بئنڪ جي ڪردار جي واکاڻ ڪئي.