اسلام آباد۔28مئی (اے پی پی) وزیراعظم محمد شہباز شریف ملک دے مختلف علاقیاں اچ تھیوݨ آلی لوڈشیڈنگ کوں ڳھٹ کرݨ دی ہدایت کریندیں ہوئیں آکھیا جو عوام دی سہولت کیتے شدید گرمی اچ لوڈمنیجمنٹ دی صورتحال اچ بہتری آندی ونڄے، بجلی دی چوری کرݨ آلیاں نال سختی نال نبڑیا ویسی، منگل کوں وزیراعظم آفس دے میڈیا ونگ توں جاری پریس ریلیز موجب وزیراعظم محمد شہباز شریف دی صدارت اچ بجلی دی لوڈمنیجمنٹ اتے بجلی چوری دے خلاف اقدامات تے اہم جائزہ اجلاس تھیا۔ اجلاس اچ وفاقی وزیر اقتصادی امور احد خان چیمہ ، وفاقی وزیر خزانہ و محصولات محمد اورنگزیب ، وفاقی وزیر پٹرولیم مصدق ملک ، وفاقی وزیر پاور اویس احمد خان لغاری ، وزیر مملکت علی پرویز ملک، وزیراعظم دے کوآرڈینیٹر رانا احسان افضل ، چئیر مین واپڈا ،متعلقہ اعلیٰ سرکاری افسرشریک تھیے جڈانجو چاریں صوبیاں دے چیف سیکرٹریز اتے انسپکٹرز جنرل پولیس وڈیو لنک توں اجلاس اچ شریک تھیے۔ ایں موقع تے وزیراعظم ملک دے مختلف علاقیاں اچ تھیوݨ آلی لوڈشیڈنگ کوں ڳھٹ کرݨ دی ہدایت کریندیں ہوئیں آکھیا جو عوام دی سہولت کیتے شدید گرمی اچ لوڈمنیجمنٹ دی صورتحال اچ بہتری آندی ونڄے۔
