اسلام آباد۔20اکتوبر (اے پی پی) وزیراعظم شہباز شریف دی سردیاں اچ بجلی دی طلب تے ودس تے کڑی نظر رکھݨ اتے صارفین کوں ودھ توں ودھ ریلیف ݙیوݨ کیتے اقدامات کرݨ دی ہدایت کیتی اے۔ وزیراعظم شہباز شریف دی صدارت خمیس کوں ہک اہم اجلاس تھیا جئیں اچ سردیاں اچ بجلی دی لوڈشیڈنگ تے قابو پاوݨ کیتے مختلف تجویزاں تے غور کیتا ڳیا۔ وزیراعظم آفس دے میڈیا ونگ ولوں جاری بیان موجب وزیراعظم کوں وزارت توانائی سردیاں اچ بجلی دی طلب تےرسد اتے ایندھن دے تخمینیاں تےتفصیلی بریفنگ ݙتی۔ وزیراعظم متعلقہ حکام کوں ہدایت کیتی جو سردیاں اچ بجلی دے صارفین کوں ودھ توں ودھ ریلیف ݙیوݨ کیتے سارے ضروری اقدامات کیتے ونجن۔ ۔ملاقات اچ سابق وزیر اعظم اتے مسلم لیگ (ن) دے رکن قومی اسمبلی شاہد خاقان عباسی، وزیر خزانہ محمد اسحاق ڈار، وزیر برائے پارلیمانی امور مرتضی جاوید عباسی، وزیر توانائی انجینئرخرم دستگیر، وزیراعظم دے مشیر احد چیمہ، وزیر مملکت برائے پٹرولیم ڈاکٹرمصدق ملک، معاونین خصوصی ڈاکٹر جہانزیب خان، جنید انور چوہدری اتے متعلقہ اعلی سرکاری حکام شرکت کیتی۔
