اسلام آباد۔6جولائی(اے پی پی)وفاقی وزیر موسمیاتی تبدیلی سینیٹر شیری رحمان آکھیے جو موسمیاتی تبدیلی پاروں ملک دے جی ڈی پی دا 9.2 فیصد ضائع تھئے ڄیرھا خطے اچ سب توں ودھ اے، ساکوں ایں معاملے تے ودھ توجہ ݙیوݨی ہوسی، ایں واری 87 فیصد وادھ بارشاں دی توقع اے۔ پی آئی ڈی اسلام آباد اچ پریس کانفرنس کریندے انہاں آکھیا جو پری مون سون بارشاں جاری ہین، حالی تئیں امکان توںو دھ بارشاں تھین، برفانی جھیلاں دے 16 واقعات تھین، بلوچستان اچ بارشاں پاروں جانی و مالی نقصان تھئے، ساوݨ پاروں 14 جون توں ہݨ تئیں 77 اموات تھین، پی ڈی ایم اے اتے این ڈی ایم اے ساوݨ دیاں تیاریاں بارے چنقے انتظامات کیتن، ساکوں ساوݨ اچ ودھ احتیاط دی لوڑھ اے، گلوبل وارمنگ دا مسئلہ سامݨے آندا پئے جیندے کیتے عالمی سطح تے اپݨا مقدمہ لڑݨا ہوسی، کشمیر اچ معمول توں ہٹ تے 49 فیصد، بلوچستان 274 فیصد، سندھ 261 فیصد، کے پی کے اچ 28 اتے پنجاب اچ 22 فیصد توں ودھ مینہہ تھیندا پئے۔
