اسلام آباد۔21جنوری (اے پی پی) وزیراعظم عمران خان آکھیا جو سمندر پار پاکستانی اساݙا قیمتی اثاثہ ہن، حکومت سمندر پار پاکستانیاں کیتے روشن ڈیجیٹل اکاؤنٹ دے ذریعے سوکھ ݙتی اے۔ تاریخ اچ پہلی واری سمندر پار پاکستانیاں دے شکایاتاں دے ازالت کیتے پورٹل ٻݨایا ڳئے۔ اے ڳالھیں انہاں مشیر سمندر پار پاکستانی امور ایوب آفریدی نال ڳالھ مہاڑ کریندیں ہوئیں آکھی جنہاں جمعے کوں انہاں نال ملاقات کیتی۔ ملاقات اچ سمندرپار پاکستانیاں دے مسئلیاں دے حل بارے حکومت دے اقدامات اتے انتخابات اچ حق رائے دہی ملݨ تے حکومت دی پذیرائی تے ڳالھ مہاڑ کیتی۔ وزیرِ اعظم ، معاونِ خصوصی کوں سمندر پار پاکستانیاں اتے سفارتخانیاں وچال رابطے ودھا تے مسئلیاں دے حل دی رفتار کوں ٻیا تکھا کرݨ دی ہدایت وی کیتی۔
