اسلام آباد۔9ستمبر(اے پی پی) وزیراعلی پنجاب سردار عثمان بزدار آکھیے جو وزیراعظم ایمرجنسی پروگرام دے تحت 300 ارب روپے دے پراجیکٹس تے کم تھیندا پئے، کھاداں تے ساݙھے 12 ارب روپے سبسڈی ݙتی ڳئی اے۔ وزیراعلی پنجاب عثمان بزدار آکھیے جو پنجاب حکومت دے کساناں دی خوشحالی اتے معاشی استحکام کیتے تاریخی اقدامات تھیندے پین، تصدیق شدہ بیج اتے جدید زرعی مشینری تے 4.4 ارب روپے سبسڈی ڈیندے پئے ہیں۔ کاشتکاراں کوں لیزر لینڈ لیولرز کیتے 65 کروڑ روپے سبسڈی، ای کریڈٹ سکیم دے تحت 45 ارب روپے دے بغیر سود قرضے ملدے پین، بنجر زمیناں دی بحالی نال کساناں کوں 3 ارب روپے دی وادھو آمدن تھئی اے۔
