اسلام آباد۔6جولائی (اے پی پی):وفاقی وزیر توانائی حماد اظہر آکھیے جو مہانگی بجلی دے معاہدے کرݨ آلے ہݨ خود شور مچیندے کھڑن ، بجلی دا پیداواری نظام سابق حکومتاں درآمدی ایندھن تے منتقل کیتے، ملکی وسائل چھوڑ تے درآمدی ایندھن تے بجلی گھر لاوݨ دا جواب ݙیون ، پیک دے 2 مہینے دے علاوہ 10 مہینے 30 فیصد بجلی اضافی رہندی اے ، ایندا جواب کون ݙیسی ۔ منگل کوں اپݨےبیان اچ مسلم لیگ (ن) دے رہنما اتے سابق وزیرا عظم شاہدخاقان عباسی دے بیان دے ولدے اچ حماد اظہر آکھیے جوݙو مہینے دی کی پیک دے علاوہ ݙاہ مہینے جیڑھی 30فیصد بجلی اضافی رہندی اے ایندا جواب کون ݙیسی ۔ اٹھ سال اچ جیڑھا تساں 26000میگاوٹ دے مزید بجلی دے مہانگے معاہدے کیتن جنہاں توں ضروری بجلی گھنݨی پئی اے ایندا وی جواب ݙیون ۔ ملکی وسائل چھوڑ تے امپورٹد فیول تے پاور پلانٹس لاوݨ دا وی جواب ݙیو ۔ انہاں آکھیے پہلے خود ہی سارا پاور جنریشن دا سسٹم امپورٹد فیول تے لاتا تے ہݨ خود شور مچائی کھڑن جواب تاں ݙیوݨا پوسی ۔
