اسلام آباد۔22مئی (اے پی پی):وفاقی وزیر مواصلات مراد سعید آکھیے جو بیلٹ اینڈ روڈ اینیشیٹو عالمی رابطہ کاری دا اہم منصوبہ اے ،سی پیک ایندے اچ ھک سنگ میل دی حیثیت رکھیندےجیڑھا جو پاکستان کیتے تقدیر بدال ݙیوݨ آلا منصوبہ اے۔ سی پیک دے ذریعے گوادر اتے ایندے نیڑے پسماندہ علاقیں کوں ترقی دے موقع ملسن ۔ گزریل ݙینھ ہک تقریب توں خطاب کریندے ہوئیں وفاقی وزیر مواصلات آکھیے جو ہکلہ،ڈی آئی خان موٹروے منصوبہ گزریل دور اچ شروع تھیا تاں جو ایندا 90 فیصد کم اساں مکمل کیتے جیڑھا ایں سال اچ پورا تھی ویسی ۔ انہاں آکھیے جو سی پیک دے مغربی روٹ اچ پسماندہ علاقیں کوں ترجیح ݙتی ڳئی اے تاں جو معاشی سرگرمیاں دا آغاز تھی سڳے ۔ انہاں آکھیے جو دیر، سوات اتے ڈی آئی خان اتے ول گوادر اچ وی منصوبیں دا آغاز تھی ویسی جیں توں معاشی سرگرمیاں کوں ودھارا تھیسی ، روزگار دے موقع پیدا تھیسن ۔
