لاہور/اسلام آباد۔30نومبر (اے پی پی) وزیر اعظم عمران خان آکھیے جو مہذب معاشراں اچ امیر اتے غریب اچ کوئی فرق نئیں ہوندا، معاشرے دے غریب اتے کمزور طبقات کوں ترقی ڈیونڑمشن اے،ملکی معیشت،اقتصادی ودھوتری تے توجہ اے۔ اے گالھ وزیر اعظم عمران خان لاہور اچ کاشتکاراں کوں زرعی قرض دے معاہدے تے دستخط دی تقریب نال خطاب اچ آکھی۔وزیر اعظم دی معاون خصوصی برائے اطلاعات و نشریات ڈاکٹر فردوس عاشق اعوان ، وزیر اعظم دے معاون خصوصی سید ذولفقار بخاری ، وزیر اعلیٰ پنجاب عثمان بزدار ، گورنر سٹیٹ بنک ڈاکٹر رضا باقر ، کمرشل بینکاں دے نمائندے اتے بئے اعلیٰ حکام وی موجود ہن۔ وزیر اعظم آکھیا جو اج خوشی دا ڈینھ اے جواج دے اقدام نال غربت مکاونڑاچ مدد ملسی ،معاشرے دے غریب پسماندہ اتے پچھو تے رہ ونجنڑ آلے طبقات کوں ترقی دٰونڑ ساڈا مشن اے،ایہاساڈے پیارے نبی حضرت محمدﷺ دی سنت اے ، مدینہ دی ریاست دی بنیاد وی ایہا اے۔وزیراعظم آکھیے جو ایں معاہدے نال چھوٹے کساناں کوں خاس فیدہ تھیسی اتے انہاں کون ترائے ڈینھ دے اندروقرض مل ویسی اتے او اپنڑا درمیانے اتے چھوٹے درجے دا وپار ودھا سگسن۔ وزیر اعظم آکھیے جو غریب طبقے کیتے ڈو سو ارب روپے نال احساس پروگرام شروع کیتے،ایندے نال تخفیف غربت پروگراماں کوں ودھایا ویسی،جیندے اچ غریب طبقات، تریمتیں اتے نینگراں تے ودھ توجہ ڈتی ویسی تاں جو اپنڑا روگار کما تے خودمختار تھی سگن۔وزیر اعظم عمران خان وزیر اعلیٰ پنجاب عثمان بزدار دی کارکردگی دی تعریف کریندے آکھیا جو پنجاب دا چنگاں مستقبل بنڑسی بھل عثمان بزدار کوں عوام فلاح دے کماں دی پبلسٹی وی کرنڑی چاہیدی اے۔ ایں توں پہلے پنجاب لینڈ ریکارڈ اتھارٹی اتے وڈے نجی کمرشل بینکاں وچال چھوٹے کساناں کوں قرض ڈیونڑ دے معاہدے تے دستخط تھئے۔
