اسلام آباد۔4فروری (اے پی پی) ایوان بالا , بھارت دے غیر قانونی زیر تسلط جموں تے کشمیر دی عوام نال اظہار یکجہتی دی قرارداد منظور کر ڳھدی اے جئیں اچ ایں ڳالھ تے زور ݙتا ڳئے جو بھارت پنج اگست 2019ء دے غیر قانونی اتے ہک پاسہ اقدامات کوں واپسی ڳھنے۔ جمعے کوں ایوان بالا دے اجلاس اچ سینٹ اچ قائد ایوان سینیٹر ڈاکٹر شہزاد وسیم اے قرارداد پیش کیتی جݙانجو وزیر مملکت برائے پارلیمانی امور علی محمد خان قرارداد پڑھ تے سݨائی۔ قرارداد اچ آکھیا ڳیا جو ایوان بالا پاکستانی عوام دے جذبات دی عکاسی کریندیں ہوئیں یوم یکجہتی کشمیر تے بھارت دے غیر قانونی زیر تسلط جموں تے کشمیر دی عوام اتے ہیروز کوں سلام پیش کریندے۔ ایں ڳالھ تے زور ݙتا ڳئے جو بھارت پنج اگست 2019ء دے غیر قانونی اتے ہک پاسہ اقدامات کوں واپسی ڳھنے۔ چیئرمین دا قرار داد دی کاپی اقوام متحدہ اتے پاکستان اچ غیر ملکی سفارتخانیاں کوں بھیجݨ دا اعلان کیتے۔
