کراچی ۔11دسمبر(اے پی پی)وفاقی وزیر اطلاعات و نشریات چوہدری فواد حسین آکھیے جو گرین لائن منصوبے تے وفاق 35 ارب روپے خرچ کیتن بھل ن لیگ صرف کاغذاں اچ منصوبے ݙتن، نوجوان نسل کوں شدت پسندی توں پریں رکھݨ کیتے مثبت سرگرمیاں ݙیوݨیاں ہوسن۔ اسلام آباد اچ 14 ویں عالمی اردو کانفرنس ویلھے میڈیا نال الیندے انہاں اکھیا جو ن لیگ اتے پی پی پی کتنے پاݨی اچ ہین کراچی آلے چنڳاں سنڄاݨدن، 25 دسمبر کوں کراچی اچ قائداعظم دا یوم پیدائش اتے کرسمس دی تقریب کٹھے منائی ویسی۔ چوہدری فواد حسین آکھیا جو اسلام آباد اچ سپورٹس میلہ اتے آرٹس کونسل کراچی اچ اردو کانفرنس مثبت اقدامات ہین، نویں لکھاریاں اتے شاعراں کوں پروموٹ کریسوں۔
