اسلام آباد۔29جولائی(اے پی پی)وفاقی وزیرخزانہ و محصولات سینیٹر محمد اورنگزیب آکھیے جو حکومت توانائی دے شعبہ اچ اصلاحات اتے سرکاری اداریاں اچ بہتر گورننس کیتے کم کریندی پئی اے۔ انہاں اے ڳالھ اسلام آباد اچ امریکہ کیتے نامزد سفیر رضوان سعید شیخ نال ملݨ ویلھے آکھی۔ وزیر خزانہ نامزد سفیر کوں نویں ذمہ داری تے مبارک ݙیندے واشنگٹن ڈی سی دے اپݨے دورے، عالمی بینک اتے آئی ایم ایف دے موسم بہار دے اجلاس اچ تھیوݨ آلیاں ملاقاتاں دا ݙسایا۔ انہاں بین الاقوامی مالیاتی فنڈ نال سٹاف لیول معاہدے دا وی ݙسایا اتے پاکستان اچ اقتصادی اصلاحات دے ایجنڈے دی تفصیل ݙسائی جو توانائی دے شعبہ، ریاستی ملکیتی انٹرپرائزز اچ اصلاحات اتے نجکاری تے توجہ ݙتی ویندی پئی اے۔ سفیر رضوان سعید شیخ پاکستان دے معاشی اصلاحات ایجنڈے کوں بین الاقوامی فورمز تے اڳونہا کرݨ دا یقین ݙیوایا۔
